[A:110]can phyag gnyis nyi zla cha lang rdeb pa'i rnam pa can zhig 'dug pa la/ de thim rang zer rgyu ni ma byung /nga rang yang de lta bu'i lha zhig tu song nas rnam pa gsal la zil chags pa zhig byung / sngar ni de 'dra'i lha mthong thos ye med ci yin snyam rig 'dzin chen po la zhus pas/ bzhad cing lha de 'di na la gsung nas yi ge mig gis mi zin pa tshod byas pa'i dpe chung zhig 'dug pa bstan te 'bras mo gshongs su rje nyid kyis dngos su gzigs pa'i slob dpon padma yin par 'dug /de'i dbang lung dgos zhus pas/ re zhig byar nyan pa med/ /rjes su 'bul ba byed/ babs ni dngos dang rmi lam gyi khyad ma gtogs mthong snyam du ni 'dug gsung / lha de ni phyis su mthong smon na yod skabs chos skyong gi rjes gnang zhig byas pas 'khu ldog gi rmi lam shin tu 'tshub pa zhig byung ba na/ rang nyid lha der gyur pa'i dbu gtsug na rta mgo dang bcas te 'dug pa thams cad sdigs pas rang grol du song ba zhig kyang byung la/ lha de'i sgrub thabs sogs rgyas par gsung rtsom mdzad nas rjes su gnang yang byung mod nyams su len pa ni ma byung ngo / /lo de la dus kyi 'khrug long drag po bsam gyis mi khyab pa byung bas/ phal cher sku rim dang / gtor bzlog kho na la gnad du bsnun/ me mo lug la bod khams g.yo: dmag sde chen po bcu drug 'cha': zhes lung bstan pa de'i dus su sleb 'dug pa dang / bod dkrug mkhan 'gong pos byed par gsungs 'dug