[A:118] de 'phral slob dpon padma la gsol ba zhig 'debs dgos snyam/ gtor ma bshams/ byang gter gyi 'phrin las 'bring po gyer bas/ spyan 'dren yan la ni zla bo tshos gyir ba ma gtogs/ skad thon rgyu'ang mi gda'/ spyan 'dren nas shes pa 'ur/ skad 'bod pa rgyag pa tsam thon/ drag rol yun ring la dos drag pa byas/ de ma thag nad khrus nas/ khrus skor khor bcu gsum byung bas nad sing nge thon nas/ deng sang gi bar du zo mdog bzang la byung tshad bzhes chog pa'i phag pa la 'gran btsugs chog pa 'di ga lags mod/ dug gsum nad sel ayon byin rlabs kyis/ /dug nad ma lus bshang ba'i lam nas bud/ /dug ro tsam yang med pa'i gdengs chen thob/ /dug chen bdud rtsir bsgyur ba'ang bla ma'i drin/ /'di nas bzung ste/ brag sna ba'i sgos g.yog a zhang bya ba zhig gis gzung thud rdo char dang bcas pa bya ba'i bar dang / des mtshon nas glang lo gling log chen mo'i bar gyi byas byung rnams zhib par bris na/ snang tshul thos na dgra yang mchi ma 'chor/ /mno bsam btang na snying rlung glo bur lang / /gnas tshul bsams na yi mug tshig pa za/ /de phyir de dag brgyang du skyur las zhog /sdug po nyams su myong ba des chog gi /sdug gtam yi ger bris nas dgos pa med/ /sdug bsngal rtsa ba dmyal bar ma skyes na/ /sdug po de tsam sran na'ang thub par mchis/ /bo dong nas bud pa'i tshe'ang / sde pa rnams kyang rta khrom bzabs sprod dge rtsa lo gsar