[A:122]zhi bar gshegs/ dgung zhag zhe dgu'i bar/ dpal kye rdo rje'i dkyil 'khor du dbang nyin re bzhin phul/ sku gdung la zhugs 'bul ba/ gdung tsha rnams zab phur spyan 'dren pa lo ma 'khor gyi bar/ zla ba byung ngo cog gi tshes gnyis la sgrub mchod gang 'os re rgyas par sgrub pa sogs drin lan gyi khungs cha tsam 'khyor bar byas mod/ bsams na ma 'di'i drin 'khyer ba la dka' mo zhig yod de/ nam zhig bdag gis byang chub mchog thob nas/ /nam mkha'i mthas klas 'gro ba sgrol nus pa/ /de tshe ma 'di drin lan 'khor lags mod/ /de 'dra'i gnas skabs smon pa tsam du zad/ /lo nyer drug tu sleb pa'i bya lo zla ba gnyis pa'i tshes lnga la lam du zhugs zab bu lung mjal du phyin skabs/ yar lam zhong zhong du gnas skor la phyin/ gnas mjal zhus pas/ btsun ma 'dre kha ma zhig gis khang thog nas bsgyur sbyang dang bcas sgo 'byed du ma nyan/ nan tan du zhus pas sgo phye tsam byung / rin po che gdan sa ba bya ba yin zer ba'i btsun rgan zhig gis rten bshad byas/ ngas khas phyug mang po dang / snyan dar kha re phul bas mnyes pa 'dra gnas tshang yang btang / khyed la ne gu'i phyag dpe 'dra yod dam zhus pas/ yod gsung / g.yar po dgos zhus pas/ ci zer do nub lta ni mi thub/ sang ni khyed 'gro/ gnas skor ba la dpe cha bskur bas nga'i dpe khungs med du 'gro'am gsung ba la/ mi skyon nged shangs chos 'di la mos po zhig bdog na'ang de snga ma thob/ zhong zhong 'di