[A:130]kun gyi srol/ /khyod rnams tshur gshegs rim gyis lta bar gyis/ /sa phyogs de'i skye bo phal chen dad pa che ba/ dad pa'i rjes 'brang kho na shas che bar gda' zhing dge 'dun phal cher tshul khrims gtsang po sha stag 'dug pa'i zhing dag cing gda' na'ang / dus kyi dbang las/ hor dang khad nye zhing / de pa dang yon mchod yin zer 'brel chen po byas pa zhig 'dug pa dang / khams pa'i yon bdag rnams la'ang bzhugs gral sogs 'phral du dgos pa'i bsun po zhig 'dug pa nas/ myur du bor dgos bsams pa kho na byung mod/ gang mi yog pa'i do'i dpes/ slar bsreg shing rin cen sgang yang lo de la ga 'dzin dgos pa byung na'ang / de lo ni der ma sleb/ lo tshes pa'i dbyar chos kyi thog tu sleb/ po po dgra lha bya ba khas 'phyug dang shes sgo che ba'i tshad thub/ gyod rgan gtam lab pa zhig 'dug pa de sogs/ grwa rigs kun gyis gzhis len bsnyen bkur spyi sgos nas gzabs thag chod pa mang po byas/ tha na snga chab phyi chab tshun 'dul ba'i phyag len khrig khrig pa dang sing sing zhig gda' bas dga' ba la bsam pa'ang byung / der sleb pa'i nub g.yag rog po chen po zhig rgol ba'i khungs byas byung ba mgon g.yag byed zer nas bzung / phye mar byin/ mgon po'i gtor ma mgo thog tu bzhags nas bka' bsgo byas pa'i rmi lam gsal po zhig byung / lar nged gar sdod sa de'i gzhi bdag phal che bas rmi lam du dbang re nges par zhu'i gda' bas yin nam/ gang phyin sar skyid pa de ga