[A:135] da phyin dbu zhwa 'di bzhes nas/ gzhan phan mdzad pa zhu/ gdul bya yang 'di rang che ba yong ba gda' gsung 'dzum mang po zhig mdzad cing thegs song ba na/ gnyid sad pa'i tshe bla ma grub thob de'i zhal ras mig sngar 'bral mi phod pa lam lam shar/ skad kyis brnangs par ngus/ khyod kyi bde chen ye shes sku/ /brnyes tshe skal dman bdag gi bsam pa ji lta bar/ /legs par 'doms pa'i brda dang gsung dbyangs bstan/ /sku drin dran no da dung thugs rjes skyobs/ /mos gus lta phyir khas phyug ma song bas/ /rmi lam zhal mthong brda thabs zab mo bstan/ /lto phyir mos mos byed pa'i zog rgan 'gas/ /da phyi bskal par zhal bzang mthong re skan/ sngar gnang ba'i sgom zhwa de glang lo shor/ zhi bar gshegs pa'i dus byin rlabs rten la gdung brgyud rin po ches dbu zhwa sgom zhwa zhig gnang 'dug pa'ang / mi sna tshos lam bar du skyur nas lag du 'phrod ma byung mod/ bla ma bslu ba med pa 'di nyid kyis rten 'brel cig sgrigs par gor ma chag /'on kyang kho bo cag /deng sang gi bla sgub kha cig ltar/ lto ba na ma re dang / rdzogs pa'i byang chub tshod mi byed pas/ bla ma de'i sku drin bsab phyir bla ma de las thos pa'i gdams ngag rnams la thos bsam dang / bshad sgrub la sogs pa bstan pa gsal bar byed pa'i bgyi ba ni ma nyams par bgyid pa 'di yin no/ /ra lung nas 'khor nas ring po ma lon par khyi lo zla ba bdun pa'i tshes bcu la pha rgan grub pa