[A:149] thugs rje chen po'i dmar khrid/ skyo lugs kyi rwa rtse sems 'dzin sogs khrid mang po/ thugs sgrub rnams gsum dang / rta mgrin yang gsang khros pa sogs rnying ma'i dbang lung bsam gyis mi khyab pa zhig kyang bgyis la/ lo de'i zla ba bcu gcig pa la g.yang yul skyid pa'i ljongs su sleb zhal ngo'i drung du zab pa dang rgya che ba'i chos mang du 'bul zhing gnas pa'i tshe/ bdag gi bla ma mkhan chen thams cad mkhyen pa'i zhal snga nas spyan drangs pa bzhin bde bar phebs nas der zhag lnga bzhugs/ slar myug tu phebs/ bla ma de'i sku drin gyis rnam rtog ngan pa thams cad rang grol du song ba'i mthus/ lo so gnyis lon pa'i yos lo zla ba dang po la sde pa nas kyang myug nyid du gzhi phab/ der zhal ngo rnams kyis gtso mdzad bdag cag nyi shu tsam phyin la rje btsun rdo rje rnal 'byor ma'i rtsa dbu ma slob bshad thun mong ma yin pa zhig gnang / a ho rgyal yum dbang mos mngon sum du/ /du ma'i skye bar rjes bzung bla ma mchog /mchog 'dis zab mo'i nye lam 'di bstan tshe/ /tshe 'dir mkha' spyod 'grub la the tshom bral/ /slar bsreg shing rin cen sgang gi dgon par spyan drangs zhag nyer lnga'i bar bsnyen bkur nas/ dpal gshin rje'i gshed dmar po lha lnga'i smin grol yongs su rdzogs pa/ dpe nag bltas pa'i bshad yams tsam ma yin par thugs nyams su ji ltar myong ba bzhin bstan pas sems kyi sgro 'dogs