[A:156]sger du chos mang po phul/ zha lu'i shar chos lung dgon pa na bzhugs pa'i rgyal yum dbang mo dang mjal ba'i sne sbyor zhus pa bzhin/ sku mtshams dam po yod 'dug na'ang brtse bas bzung ste mjal kha byung / mjal ma thag sems 'di yin gyi tig po ci yang med pa'i hang nge ba la lus kyang yang chod de ba mchi ma bun bun pa zhig ma gtogs gang yang ma byung / bdag gi lag pa gnyis nas bzung ste ngas na ning de nas bsgugs te khyed da bar mi 'byon pa la ngo tsha la gsung ja sbyor kha re'i bar lag pa phyag gis ma btang sems nyid ngal bso zhig zhus pas/ bu nyon khyod gang rnam par rtog ces sogs kyi sho lo ka 'di la brgyad stong pa dang sbyar ba'i bshad pa rgyas pa zhig dang / bla ma'i rnal 'byor zhig gnang lta ba nam mkha' lta bu'i ngang nas chos spyod sgyu ma lta bu bya ba yin pas thugs dam spros bcas gtso bor bton pas spros med kyi ye shes shugs las 'byung / ngas brgyad stong pa la rgyun du ngag 'don byas pas gnas lugs la nges pa rnyed pa yin/ bstan pa nub la thug gda' bas 'chad nyan gtso bor mdzod bstan pa la sus phan mi shes pas sprang po dang bla chen tsho chos skal mnyam por sbyin/ lta grub mthon po'i kha khyer gyis las 'bras ma mthong na bslu bas phyi tshul theg dman gyi spyod pas gzhi bzung nges don gyi thugs dam la 'bungs rgan mo'i snying gtam yin no gsung zhing spyan chab byon nged der 'dus thams cad bla ma de'i mdun na yod ring sems rtog med du had de mig mi 'dzum