[A:180]zhig yin pa la/ rtsa 'chams sogs bro ba'i rtsed sna ltar song ba'i dam can rnams kyang mnyes rgyu med pa'i ltas kho na yong ba zhig 'dug pa nas nan gyis phul/ slar zha lu nyid du rang lo so bdun lon pa sprel lo zla ba dang po nas gnyis pa'i bar bsdad de/ sde snod dang rgyud sde'i don la smra ba bslab gsum pa dang / slob dpon rtse mo ba'i drung sogs gzhi byes kyi snod ldan kha cig la dpal gsang ba 'dus pa mi bskyod rdo rje'i dbang sngon du 'gro ba'i zab lam rim lnga'i dmar khrid shin tu rgyas pa nag khrid sogs lung rdzogs pa dang / lce'i sngags 'chang dbang po lugs gnyis nas mkhyen pa rgyas pa don yod rdo rjes zhus nas skal ldan kha cig rang bzhin rdzogs pa chen po dgongs pa zangs thal gyi dbang / khrid lung / bka' srung dang / rdo rje slob dpon gyi gtad rgya'i bar yongs su rdzogs pa bum pa gang 'byor phul ba'i dus nub cig rmi lam du bud med smug mo 'jigs su rung ba rma bya'i sgro thul khra bun ne ba gyon pa zhig byung nas 'di pa sgom ni gcig kyang mi sgom par 'dug /dmigs pa'i gnad zhib po bstan nas ci byed zer cung zad khro tshul ston gyi 'dug pa/ bka' srung e ka dza ti'i cho 'phrul du go /khong rang rnams la'ang lha 'dre 'di tshugs zer gyi gda'o/ /ma bsgoms pa min nam byas pas kun skyengs par gyur/ dmigs pa'ang zhib po ma bshad zom me bzhag pa yin no/ /gzhan yang dpal don yod zhags pa lha nyer lnga'i dbang tshar gnyis/ rdo rje 'jigs