[A:183]dar rgyas su song ba zhig byung / lo de nged rang gi rang lo yin pa bzhin rmi lam sogs kyang dga' mo med pa kho na dang / 'phral gyi gshis ka'ang cher 'gyur ba'i myur po 'gro ba la phyogs pa zhig yin na'ang / zla ba bdun pa'i tshes bco lnga nas dpal spug rnam par grol ba'i ri khrod du mtshams bsdams/ lo phyi ma zla ba gsum pa'i tshes bzhi tshun bcad rgya gang dam dang bcas/ dpal kye rdo rje'i rtsa sngags dang snying po'i gzhi bsnyen kha skong gi sbyin sreg dang bcas pa gegs med du mthar phyin pa ni bla ma dam pa'i thugs rje'i byin rlabs gcig pur shes par bya'o/ /rang lo so brgyad pa'i bya lo nag zla la ri phug tu chos rje thams cad mkhyen pa'i dus chen thog sleb/ sa chog sngar bzhin dang / de snga mchod gar 'di rgyun du mi 'dug pas/ bdag gis sbyin sreg pa bgyis/ grwa tshang gsum po'i gar pa bzabs mchod dang bcas pa'i mchod gar lo ltar chags su 'dzugs pa'i sgrigs bgyis/ de nas zha lu gnas nyid du zla ba gsum gyi bar gtsug lag khang gi zhig bsos dang / bla brang gi mkhar las dbu btsugs/ nged rang ni sde pa khri khang nas kyi bzhed pa dang bstun/ rgyal po'i khab der yun ring du gnas nas zab rgyas kyi dbang bka' 'bul ba dang sku rim sogs dgongs bzhed bzhin sgrub pa dang / zha lur slebs nas kyang rje bla ma 'jam pa'i dbyangs kyis dbu mdzad/ dbang cha gnyis la sbyong rgyud dbang tshar