[A:194]bstan gnyis gling pa'i gter chos gu ru zhi drag /rnam sras/ sprul sku chos kyi rgyal po ratna gling pa'i phur pa sogs dbang lung du ma'i sku drin zhus/ phar yang dgongs bzhed dang bstun nas/ rang bzhin rdzogs pa chen po bla ma yang tig yid bzhin nor bu'i khrid dang / rgyab chos su rgyud bcu bdun gyi lung rnams dad ldan mang po zhig la phul ba'i tshe/ nyin re bzhin chos tshugs ma thag chos ra de dang khad nye ba'i rgya skar gyi smin ma'i steng du bya rog re babs nas bdag la phyogs pas chos ma grol bar lhod de sdod/ grol ba'i bsngo ba tshugs ma thag 'phur 'gro ba ji srid khrid lung ma rdzogs kyi bar byung bas thams cad ngo mtshar du 'dzin gyi 'dug /der rgyun kyang zla ba gcig tsam bsdad nas/ rje bla ma bdog pa'i dngos po gya nom pas mnyes par bgyis te phyir byon/ bdag gis grogs dag dal 'byor 'di ni g.yo ba dang / 'jig rten skye bo dam pa 'phrad rnyed dka'/ /zhes gsungs pa ltar dge ba'i bshes gnyen dang yang yang phrad pa ni dus kyi mtha' 'dir ches dkon no snyam nas/ ra gong rgyud/ 'brog pa rgya tsho spang sgang na rje btsun ra chen dam pa bzhugs pa la mjal du phyin pa na/ dam pa de nyid zhing 'di'i mdzad pa phal cher rdzogs pa zhig pas sku khams shin tu ngan pa zhig mthong nas yid la gdung ba chen po yang skyes/ gzhan thabs ni cher ma rnyed/ gdan bzhugs bzhin bgyis na bsams kyang / brgya tsho nas nang so ni pa rnam na bzhugs/ gzhir bzhugs kyi