[A:200]phal che bas mthu kho na byed kyi 'dug ces gleng / nged rang gi grwa pa dad pa che yang yon tan chung ba 'dra'ang sku tshe la gnod zer ngan thabs su go yod pa gda' ste/ gshin rje dgra nag po'i rgyud las/ lo re'am zla ba re re'am/ /yang na zhag ni re re bzhin/ /gtor ma drug cu rtsa bzhi sbyin/ /dbyug gu drug cu rtsa bzhir dran/ /ces dbyug gu drug cu rtsa bzhi'i bar chad zhi ba'i phyir nyin re bzhin yang gtong dgos par gsungs/ rdo rje gur las/ las rnams thams cad yang dag spyad/ /ces sems can la phan gdags pa dang / rang gi bar chad zhi ba'i phyir/ zhi rgyas dbang drag gi las thams cad sgrub dgos par gsungs pas/ bar chad bzlog pa kho na la dmigs nas gtor ma drag po 'di dag bgyis pa yin pas tshe la mi gnod kyi steng du phan pa myong bas thon gyi 'dug /gzhan du na/ rgyud sde dri ma med pa las gsungs pa'i don/ brgyud pa zam ma chad pa'i snyan brgyud mkha' 'gro'i kha rlangs thul le ba mang po thos/ lag len phra rags thams cad kyang ji lta bar shes/ sngags smyon grangs med pa zhig song bas lha las su rung ba'i mtshan ma'ang cung zad thob/ drag po'i las la sbyar na lha tshangs pa'ang sgrol thub tsam bdog ste/ 'chi dgos pa 'di bsams nas zi me bsdad pa lags/ 'on kyang sngar smos pa bzhin nged la rbod gtong dang / byed kha drag po byed pa de dag bden pa dang / srung bzlog nus pas byed po de dag gi steng du bzlog cing smin par 'gyur bas