[A:204]'phags pa thogs med kyis mdzad pa'i byang chub sems dpas ste lta ba'i gzhung gnyis/ rgyal ba'i sras po zhi ba lhas mdzad pa'i bslab pa kun las btus dang / spyod pa la 'jug pa ni spyod pa'i gzhung ste/ bka' gdams gzhung pa rnams kyi chos kyi nying khu gzhung drug tu grags pa/ byang chub spyod pa'i sgron ma dang / bden pa gnyis la 'jug pa nas bzung ste/ skyabs 'gro yan lag drug pa'i bar gzhung chung brgyad cu gya brgyad tsam bzhugs pa la chos chung brgya rtsar grags pa/ bka' gdams glegs bam rin po che dang / thig le bcu drug gi khrid thun mong dang / thun mong ma yin pa theg pa chen po blo sbyong gi khrid/ rten 'brel snying po'i khrid/ sum pa lo tsA ba'i snyan brgyud kyi khrid/ blo sbyong zhen pa bzhi bral gyi khrid/ skyid sdug lam khyer gyi khrid/ skye med do pa'i lugs kyi gcod khrid/ de dag so so'i yi ge mang po'i lung / blo sbyong mtshon cha 'khor lo/ rma bya dug 'joms/ byams pa'i rnal 'byor pa'i gyer sgom rdo rje'i glu/ sems dpa' rim pa/ rnam dag gtsug gi nor bu/ 'gro mgon dpal yes mdzad pa'i khrid yig dang / sems dpa' chen po rgyal mchog pa'i blo sbyong zin bris chen mor grags pa rnams thob/ theg chen thun mong ma yin pa rdo rje theg pa nyid la'ang dbye ba bzhir bzhugs pa'i dang po bya ba'i rgyud la yang / rigs kyi sgo nas drug tu phye ba las/ dang po de bzhin gshegs pa'i rigs la/ gtsug tor nas byung ba'i gdugs kar mo can zhe gnyis kyi dbang rgyas pa dang /