[A:207]shing dri ma med pa lha nyis brgya dang nyi shu rtsa dgu/ slob dpon sgeg pa'i rdo rjes bkral ba'i 'jam dpal gsang ldan lha lnga bcu rtsa bdun/ slob dpon 'jam dpal bshes gnyen gyis bkral ba'i nam mkha'i dri med rigs bsdus pa'i dkyil 'khor te thams cad mkhyen pa bu ston chen po'i phyag len las 'ongs pa'i dkyil 'khor bcu gsum po de dag gi rdul tshon kho nar dbang bskur ba dang / kun rig rtsa ba'i dkyil 'khor/ shAkya seng ge sku/ tshe dpag med gsung / phyag na rdo rje thugs/ 'khor lo sgyur ba yon tan/ me ltar 'bar ba 'phrin las te 'das pa'i dkyil 'khor drug /phyag na rdo rje la lha chen brgyad/ klu chen brgyad/ gza' brgyad rgyu skar dang bcas pa/ 'jigs byed dgu/ rgyal chen bzhi/ phyogs skyong bcus bskor ba 'jig rten pa'i dkyil 'khor drug ste sbyong rgyud dkyil 'khor bcu gnyis su grags pa snur lugs kyi phyag len dang / kun rig rtsa ba'i dkyil 'khor dang / phyag na rdo rje 'chi bdag 'joms pa ste sa lugs ma yin pa gnyis te/ rnal 'byor rgyud kyi dbang de dag thos shing khong du chud par byas pa yin no/ /rnal 'byor chen po bla na med pa'i rgyud la'ang / thabs/ shes rab/ gnyis su med pa gsum gyi dang po la'ang rigs drug gam gsum du bzhed pa las/ 'dod chags chen po'i thabs/ rgyud dpal gsang ba 'dus pa mi bskyod rdo rje lha so gnyis kyi rdul tshon