[A:210]ngag gis gang zag yid ches bskyed pa nas/ sku gsum rang chas kyi man ngag gis 'khor ba ma stongs bar du 'gro don bya ba'i bar gyi gser chos bco lnga/ bka' srung gnod sbyin spun gnyis kyi gdams pa dang bcas pa dang / zhe sdang chen po'i thabs rgyud/ dpal gshin rje gshed dmar po lha lnga'i bdag nyid can gyi dbang bzhi yongs su rdzogs pa/ shin tu spros med/ rnam rtog 'od gsal bdud rtsi'i byin rlabs rnams zhus nas/ shin tu spros med kyi myong khrid/ rnal 'byor dbang phyug chen po'i sgrub thabs che chung sogs bskyed rdzogs kyi gzhung brgyad/ theg chen chos rjes mdzad pa'i gzhung bshad sogs bod kyi yi ge mang po'i lung / dpal gshin rje gshed dmar po lha bcu gsum pa'i dkyil 'khor du dbang bskur ba dang / rnal 'byor bzhi'i byin rlabs/ bdud rtsi'i lha mo 'od 'dzin ma dkar mo'i byin rlabs/ 'khrul 'khor gyi byin rlabs/ phyir bzlog gi byin rlabs/ 'pho ba'i byin rlabs rnams zhus nas rnal 'byor bzhi'i khrid/ grub thob kyi 'khor lo sgyur ba dpal 'dzin gyis mdzad pa'i rnal 'byor bzhi'i de kho na nyid la sogs pa'i gzhung brgyad/ glo bo lo tsA ba chen po'i khrid yig sogs bod kyi yi ge rab tu mang po dang / yang gshin rje gshed dmar po chag lugs thun mong ma yin pa dbang stegs sogs dang bcas pa'i dbang bzhi rdzogs pa/ chag lo gsum pa'i yi ge mtha' dag dang bcas pa'i lung / bcom ldan 'das gshin rje'i dgra nag po zhang lugs