[A:219]man ngag lugs 'grel sa lugs kyi dbang / dpal saM bhu Ta rdo rje dbyings kyi dbang / drag po gdan can lha bdun gyi dbang rnams thos/ rgyud sde spyi'i dgongs pa 'grel pa/ paN grub dbang po a bhA yas mdzad pa'i rdo rje phreng bar gsungs pa'i dkyil 'khor zhe gnyis dang / grub chen darpaN gyis mdzad pa'i bya ba bsdus par gsungs pa'i dkyil 'khor zhe lnga/ grub chen mi tra yo gis mdzad pa'i rdo rje phreng bar gsungs pa'i dkyil 'khor brgya dang brgyad rnams kyi so so'i lugs kyi dbang yongs su rdzogs pa/ rgya gzhung so so'i lung dang bcas pa/ rje btsun ba ri lo tsA bas spyan drangs pa'i sgrub thabs brgya rtsar grags pa'i rjes su gnang ba brgyad cu tham pa gzungs dang sgrub thabs sogs dgu bcu rtsa drug gi lung dang bcas pa/ shud skye grags pa rgyal mtshan gyis spyan drangs pa'i sgrub thabs rgya mtshor grags pa'i rjes gnang brgya dang bzhi bcu tham pa/ sgrub thabs nyis brgya bzhi bcu'i lung dang bcas pa/ rje btsun khro phu lo tsA bas spyan drangs pa'i thugs rje chen po'i sgrub thabs padma'i 'phreng bar grags pa'i rjes gnang brgya rtsa brgyad lung dang bcas pa/ jo bo chen po rje'i thugs dam rje btsun sgrol ma phyag 'tshal nyer gcig gi rjes su gnang ba nyi shu rtsa gcig sgrub thabs kyi lung dang bcas pa/ tsa mi lo tsA ba smon grub shes rab kyis spyan drangs pa'i grub chen brgyad cu rtsa bzhi'i byin rlabs/ so so'i rtogs brjod brgyad cu rtsa bzhi'i lung dang bcas pa rnams dang / zur bka' rjes