[A:222]rjes su gnang ba/ rgya bod kyi yi ge mang po'i lung dang bcas pa dang / rje btsun sa skya pa'i khyad par gyi gdams pa thun mong bsgrubs pas mchog zhar la 'byung ba/ dmar po skor gsum du grags pa la/ rje btsun rig byed ma phyi sgrub dpa' mo gcig pa'i rjes gnang thun mong dang thun mong ma yin pa/ gsang sgrub lha lnga'i byin rlabs/ ku ru kulle dkar mo'i rjes gnang / khro bo 'dod pa'i rgyal po'i rjes gnang / dpal tshogs kyi bdag po khams gsum gyi 'khor lo sgyur ba chen po'i thun mong ba thun mong ma yin pa khyad par gyi rjes gnang / tshogs bdag chags pa rdo rje lha bzhi'i rjes gnang / de'i man ngag gi tshogs rab tu mang po'i lung dang bcas pa dang / dpal mo snying gi gser thag can/ lha mo ti nu/ nor rgyun ma dmar mo ste dmar chung ma skor gsum du grags pa'i rjes gnang man ngag dang bcas pa thos la/ de dag gi bstan pa srung bar byed pa/ jo bo rje'i thugs dam mgon po gsum sbags ma'i phyi sgrub kyi rjes gnang thun mong dang thun mong ma yin pa/ gsang sgrub kyi rjes gnang / lha mo re ma ti'i rjes gnang thun mong dang thun mong ma yin pa dang / dpal nag po chen po gur gyi mgon po la rtsa ba'i bka' babs bzhi bzhugs pa las/ rje 'brog mi nas brgyud pa gri gug lha lnga'i sindhu ra'i dkyil 'khor du dbang bzhi yongs su rdzogs pa/ dpa' bo gcig pa'i rjes gnang dang bcas pa/ ba ri lo tsA ba nas brgyud pa'i pho rkyang dpa' bo gcig pa/ mal lo tsA ba nas brgyud