[A:235]su rdzogs pa'i dbang rgyas pa/ bum dbang rgyas pa smin grol rgya mtsho/ dbang 'bring po/ ka dag lhun grub rig pa'i rtsal dbang / byin rlabs thugs rje'i dbang lnga/ bla ma yum can gyi gtor dbang / rgyal thabs spyi blugs kyi dbang / thems can dang thems med kyi man ngag ji snyed pa'i lung yang tig gces pa'i sgron me'i myong khrid/ gsang sgrub bla ma zhi ba rig 'dzin gdung sgrub kyi rtsa dbang rnam pa nyi shus byang chub pa/ sgrub dbang rab 'byams bka'i dbang / gtor dbang thob chog blo bde/ thugs sgrub rin chen 'bar ba'i rgyud phyi nang gsang ba'i sgrub thabs sogs man ngag du ma/ sgrub chen bka' brgyad/ drag po rang byung rang shar chen po'i rtsa ba'i dbang / sgrub dbang rgyas pa thun mong dang thun mong ma yin pa/ sgrub phran/ tshe lha/ nor lha/ khyung chen/ thod pa brtag pa/ bka' srung yongs rdzogs rnams kyi dbang rnams zhus/ rgyud bzhi/ bskyed rdzogs kyi man ngag rab tu mang po'i lung / khrid gzhung ye shes zang thal dang / rim lnga'i myong khrid/ rang bzhin rdzogs pa chen po kun tu bzang po'i dgongs pa zang thal du bstan pa'i skor la/ smin byed rgyal ba zhi khro'i rdul tshon gyi dkyil 'khor du bum pa'i dbang / rta phag yab yum gyi dkyil 'khor du dbang gong ma gsum/ ye shes spyi blugs kyi dbang / nges don lta ba'i dbang / rtags grol gyi dbang rnams zhus nas/ dgongs pa zang thal gyi nyams khrid/ bla ma brgyud pa'i rnam thar rdzogs pa/ rgyud nyi shu rtsa lnga man ngag mang pos brgyan pa dang / paN chen bi mA la'i lugs