[A:239]dza Ti'i rjes gnang rnams thob/ rgyal sras sad na legs kyi skye ba sprul sku sangs rgyas gling pas spu ri phug mo che nas spyan drangs pa'i bla ma dgongs pa 'dus pa'i skor la/ padma badzra rtsal lha nyis brgya don bdun gyi dkyil 'khor du don dbang bsdus pa bdud rtsi'i thig pa/ gtor ma brda dbang / po ti lung dbang rnams zhus nas/ gter 'byung lo rgyus/ spyi rgyud pad sdong brtsegs pa sogs skyed rim gyi skor phal cher rdzogs pa/ rdzogs rim rdzogs chen snying po gser gyi yang zhun yongs su rdzogs pa/ rta phag mkha' 'gro rgya mtsho'i dbang / mkha' 'gro'i sgrub skor ma tshang ba med pa/ tshe sgrub bdud rtsi snying po'i yang zhun gyi dbang / blo 'phel shes rab ral gri'i rjes gnang / bka' srung rta nag dregs pa brgyad skor gyi srog dbang rtsa ba yan lag gi man ngag ma tshang ba med pa/ gshin rje sba dong nas spyan drangs pa'i 'jam dpal dkar po zhi ba blo'i mun sel lha lnga'i rjes gnang / dmar po longs spyod tshe 'phel lha dgu'i tshe dbang / nag po bsrung bzlog thugs kyi tshal pa lha lnga'i dbang / rgyud dang man ngag ma lus pa'i lung / tsa ri sgo srung rta mgrin mgul nas spyan drangs pa'i rta nag dregs pa lha gsum gyi rjes gnang dang man ngag gi lung / dgyer bye ma dkar po nas spyan drangs pa'i tshe sgrub nyi zla kha sbyor gyi dbang man ngag dang bcas pa nos/ lcog ro klu'i rgyal mtshan gyi skye ba karma gling pas sgam po brdar gyi ri nas spyan drangs pa'i zab chos zhi khro dgongs pa rang grol gyi dbang 'gro drug rang grol dang / dbang bzhi tshar tshad rang grol de'i nyams khrid/ bar do drug gi khrid yig sogs yi ge ji