[A:248]'dzin gyi stobs zhan pas zhal mthong gsung thos kyi grub rtags ni sna gcig tu longs pa'ang mi bdog mod/ rgyu 'bras nam yang bslu ba med pas phan yon dang byin rlabs rim gyis 'byung nges pa yin cing / dngos dang brgyud nas gzhan la phan pa du ma zhig byung zhing da dung rgyun mi 'chad par 'byung ba yin no/ /de ltar na rang nyid skyes nas rang lo sum cu rtsa brgyad pa yan gyi rtogs brjod lhug par brjod pa 'di nyid 'o yug sdings ma dgon pa'i slob dpon chen po byang chub sems dpa'i spyod pa lhur len pa'i dkon cog 'bangs pa dang / dad pa dang shes rab kyis brgyan pa'i dbu mdzad shes rab rgya mtsho zhes bya bas nan tan chen pos lan gcig ma yin pa bskul mod/ rang nyid kun spyod dang yon tan gang ci mthong bas gsal ba 'di gar 'dug la/ yon tan gyi cha shas cung zad rnams bris kyang / snyigs dus kyi skye bo phyogs lhung can kha cig gis las ngan gsog pa'i rgyu las gzhan mi 'dug snyam du ma bgyis pas/ khong dad pa can de dag re ba ma rdzogs bzhin du zhi bar gshegs pa'i thugs dgongs rdzogs pa'i thabs dang / bar du dad pa dang ldan pa mang pos nye bar bskul ba'ang don yod par bya ba'i slad dang mthar dben shri byang chub sems dpa' rgyal ba bzang po'i gdung brgyud rnam par dag par sku 'khrungs shing / dad pa dang mos gus sogs yon tan du mas brgyan pa'i lcags stod nas nang so nam mkha'i mtshan can gyis nan tan chen pos nye bar bskul ba'i bka' ma chogs par ma 'ongs pa na ji ltar 'byung ni su zhig gis shes par nus 'das pa'i dus 'di dang 'di zhes bya ba yin no/ /zhes bla ma