[A:35]zhig der yongs ma thag de 'ja' yal ba ltar song nas bred zhum me ba zhig byung drung du zhus pas/ lha mo des tshe'i dngos grub cig ster ba yin shas 'dug na'ang cung zad bar chad du song 'dug pas tshe sgrub cig gyis gsungs nas/ lo tshes pa'i zla ba dang po la grub rgyal lugs kyi tshe dpag med kyi sgo nas a mA ra Ni 'bum phrag bcu bgrangs/ rmi ltas 'di yin ni gang yang ma byung / dngos su 'od 'khyug pa dang / gzugs 'di yin med pa'i za nge zi nge mang po mthong zhing de la bred snang yod pa de 'dra mang po byung nas zhus pas/ khro bo'i dbang po mi g.yo ba dkar po'i rjes gnang zhig mdzad nas/ gnyid sad ma thag sngags brgya rtsa re zlos/ nges par bar chad kyis mi tshugs gsung ba bzhin rjes gnang thob pa nas bar chad de rnams gang yang ma byung / de nas bzung ste mi g.yo ba dkar po/ phyag rdor dkar po/ sna tshogs yum/ ri khrod lo ma can/ 'jam dpal nag po rnams la nyin re bzhin mngon rtogs bzlas pa brgya rtsa la nyung mtha' byas pa re chag med byed kyi yod na'ang dus phyis gzhan 'dras kha dog khyer song / dgongs re bzhin bir bstod gong bstod lnga/ mtshan brjod/ sher snying / sgrol ma sgrol gsol dang bcas pa rnams kyang chag med/ lto nam za dus dkon cog rjes dran/ yon yongs sbyong gi gzungs smon lam dang bcas pa byed dgos kyi yod pa rta nag la phyin pas rang grol du song ba yin no/ /de'i skabs shig mkhan chen thams cad mkhyen pa'i zhal snga nas 'khor nyung shas dang bcas dbus nas gtsang la phebs/