[A:39]'dzugs pa yin no/ /bstan pa'i rgyal mtshan tshugs par gyur cig /ces gsungs zhing de la gzigs nas bzhad kyin gda' ba/ nged kyi bla ma 'di gzhan rtsed mo mdzad kyi 'dug pa sus kyang mthong ba med/ de dus ni kun gyis sku rtsed tsam du go /da bsams dus rje bla ma de'i zhal slob bzang la hrags pa bdog ste/ rgya dang mon gyi dpes da lta dus 'khor dang gsung ngag rin po che sogs la 'chad nyan byed mkhan bdag gcig pur nges pa 'di dgongs pa'i lung bstan du gda' 'o/ /dngos kun lag mthil gnas pa'i shing tog bzhin/ /sgrib med gzigs pa'i rnam 'phrul bsam yas pa/ /lan brgyar bstan kyang ji bzhin mi go ba/ /bdag sogs lkog shal spangs pa'i ba lang nyid/ /nyid kyis gsang chen bstan pa'i rgyal srid dang / /dang po'i sangs rgyas ched du gsal gyis shes/ /shes rab mig bral bdag la gdams pa'i don/ /don bzhin 'grub par bla ma'i thugs rjes bzung / /gzhan yang kun rig sa lugs dang / 'od zer can lha lnga sogs dkyil chung kha yar bslabs shing kun rig tshar drug cu tsam dang / 'od zer can phyed dang sum brgya tsam song / de dag dbang lung phyag khrid rags pa ni rje btsun mchog gis stsal la/ rdo rje dril bu 'dzin lugs tshun chod kyi phyag len phra zhing phra ba ni bla chen thugs rje can des mdzad de/ dpyis phyin par thugs la btags pa lags shing / phyag na rdo rje u tsarYa'i sngags 'bru 'bum las sngags bzhi khri dang bcas pa'i gzhi bsnyen zhig