[A:41] 'ang dum pa yod pa/ zhal 'gram hang nge ba'i steng na spa bas yod tsam byas pa zhig tu mthong / nged kyi zla bo 'dras ni de min pa 'drar mthong ni zer/ rgyal bas rgyal ba'i bstan pa gnyer du gtad/ /grub pas grub pa'i gtsug lag skyong bar bskos/ /mgon po mgon po'i 'bag tu snang ba de/ /mjal bas mjal ba don dang ldan par byung / /bzhi thog bla brang gi lha khang gcig kyang mjal/ gzhan gtsug lag khang mtha' dag mjal snying 'dod par byung ste zhag gnyis las ma bzhugs pas long ma byung zhing / rje bla ma gnyis phyogs der ma byon pa yun rings pas mjal ba dang chos zhu mkhan sogs ches mangs pa'i thugs brel dang / thugs dam gyis g.yengs g.yog drag pa'i khungs 'dra yod pa a ra gog tu song bas lha khang la zhe 'dod med pa yin nam/ labs kyang do dam ma byas par gzhan ci yang mjal ma thub/ nyi ma gtsang gi phyogs nas sems lhag ma lus pa 'di gcig pu ma gtogs gzhan ci yang mi bdog /sa skya'i rmongs zhen snying la gcags pa'i mthus/ /sa skya'i lha khang phal cher ma mkhor bas/ /sa skyar phyin nas stong log byas so snyam/ /sa skya'i phyogs de da dung sems la dran/ /'dod sred can 'gas sred pa zhugs pa yi/ /grogs de ring na gnas kyang snying la 'char/ /de bzhin dpag tshad du mas mtshams chod kyang / /ma bsgribs yid kyi yul na lam mer gda'/ /de nas drug pa rdo rje 'chang dang dbyer med pa'i rje btsun sa skya pa yab sras rnams kyis rnam par grol ba'i ye shes