[A:49]bsos la sgrub mchod gyis gsungs nas bgyis pas tshar lnga bcu tsam song ba'i tshe rmi lam du 'od zer can gyi sku nam mkha'i khams khengs pa zhig gi phyal gyi nang spang ri khyon yangs po zhig gi ldebs la rang re'i sgar de khra hrug ge 'dug pa zhig gsal po rmis/ de'i ston btsas ma 'go byed tsam la bdag bsod nams kyi dpal gzhal du med pa zhig 'bar te/ /de'ang mkhas pa'i mkhas pa chos kyi rje nam mkha' dbang phyug pa'i drung dbus nas zhabs gtad byon/ 'bul ba ni srab mo'i sku chos legs po zhig las mi 'dug ste/ bstan pa la phan pa'i dge bshes chen po bsam gyis mi khyab pa yin pa dang / zhal slob rnying par song bas dgyes bzhin du zhal gyis bzhes/ bdag cag gzhi byes kyis grwa pa bcu gsum la dpal dus kyi 'khor lo la sogs pa'i bla na med pa'i rgyud thams cad kyi rdzogs rim/ zla lam zhag gis gcod pa sangs rgyas la zhag dus thebs pa'i khrid zab lam sbyor ba yan lag drug pa'i nyams 'khrid gnang ste/ thog mar rdul tshon gyi dkyil 'khor du bsod nams kyi tshogs kyi slad du byis pa 'jug pa'i dbang bdun gnang ste/ thun mong dang thun mong ma yin pa'i sngon 'gro zla ba gcig bskyangs/ yig brgya dang maNDal khri tsho bzhi bzhi btang / me tog nas khal nyi shu rtsa lnga lhag pa phul/ de mtshams rdo rje slob dpon lus kyi dkyil 'khor du tshul khrims dang ye shes kyi tshogs kyi slad du 'jig rten dang 'jig rten las 'das pa'i dbang gong ma gnang ba'i bgegs sprod kyi skabs