[A:77]bdud kyi gcod yul bsgoms pa'i tshe/ /phyi nang bdud kyi dpung de dbyings su yal/ /bdag 'dzin a 'thas zhes pa'i phung po 'di/ /bdag gzhan 'gro ba'i glud du byin pa'i tshe/ /bdag dang gzhan du 'dzin pa ma grub pas/ /bdag med 'di la 'khyer mkhan ngas ma rnyed/ /der bla chen thugs rje can spyan drangs/ chos chung brgya rtsa sogs dam pa'i chos bsam gyis mi khyab pa'i sku drin thob ste/ mdor na glang lo zla ba gsum pa nas dgu pa'i bar bon gnas dang bla brang dkar por chos gzhi bteg nas bslab gnyer 'phel zhing thams cad la blo bskyed yang chen po byung / lo de'i dbyar mkhan chen thams cad mkhyen pa'i zhabs las gsung gi bdud rtsi thob pa yin na'ang 'di'i tshul rgyas par 'og tu 'byung ngo / de nas thub bstan du 'dug pa'i nub cig nyang stod rgyal khang de rmi lam du gsal po byung / skor dgos pa'i ltas 'dra'ang 'dug pa dang / bdag gi bla ma de'i gsung gis ngas bod na yod pa'i sbyor drug thams cad thob pa zhig bya snyam pa la paN chen nags rin lugs de ma thob/ da ngas zhu mi thub khyod kyis thob na de gas chog pas 'brug pa la zhus shog gsung ba nas de thams cad sgo bstun ston btsas ma ma tshar tsam la nyang bar rtsis kyi lha khang bskor ba la phyin/ rim gyis gnas der sleb/ a jo brtan pa'i drung gis nu bo dang byis pa yin snyam pa'i bsnyas pa gtan nas ma mdzad/ dpe med kyi bla chen khams po che phyogs nas byon pa zhig yin pa tsam gyis mthong dang bsnyen