[A:79]khas len byas pas snang ba rang sems kyi rten 'brel gyis phan par byung / pha gir sdod pa'i ring lha mo'i gtor khang du mtshams dam po byas mgon po'i bsnyen pa kha gso dang / lha mo'i gzhi bsnyen cig byas pa yid ches par byung / mdos bskang rgyas pa tshar gcig kyang phul/ nye bar brten na slu med lha 'di yis/ /nye bar bskul nas grub pa'i bsti gnas su/ /nye bar sleb tshe chos ldan rgyal po des/ /nye bar mchod cing bkur sti phud dud mdzad/ /grub pa'i slob dpon padmas byin rlabs shing / /grub brnyes la zhwa'i gdung gis brten pa'i gzhi/ /grub pa'i gnas 'dir bde skyid dpal 'byor dang / /grub dbang gnyis las gdams pa'i dpal 'byor thob/ /ya mtshan 'bur du dod pa'i bris sku'i drung / /dge mtshan gong 'phel yong ba'i ngo mtshar mthong / /dus mtshan lha mo gnas pa'i pho brang du/ /rtags mtshan gzhung dang mthun pa'i bsnyen pa byas/ /de nas bo dong du phyir 'ongs/ der yang ser sbreng gzhi len sogs bkur sti phud dud phun sum tshogs par gnang / bdag gi bla ma dam pa de las thugs rje chen po'i dmar khrid sbyor rtsa ma'i khrid dang / skye med do pa'i lugs kyi gcod khrid cig zhus/ slar bo dong bla brang dkar por phyin dgun chos cho 'phrul gyi smon lam sogs kyang srol ji lta bar byas/ bdag gi bsam pa la nga rang gis chos 'di shes pa zhig dang phan thogs pa rang yong ba mi 'dug na'ang / 'di 'dra byas nas grwa pa 'di tsho'i gseb tu yon