[A:94]thun mong min par shar te/ 'di'i tshul zhib bar bshad na sngar smos pa ltar byin pa'i dus kyang rje nyid kyis rten 'brel bsgrig pa gnang ba dang / nged rang yang shin tu dad pa zhig byung nas/ glang lo rin po che drung bdag gi bla ma de mjal ba dang rong phyogs la phebs pa sgo bstun bo dong du phebs byung skabs gsung chos zhus chog pa'i zhu ba zhal ngo rnams la zhus pas dgyes bzhin du grol mod/ 'on kyang rang re'i byed pa'i dkyus yin pas zhabs drung du brtag pa zhig zhus gsungs nas zhus pas kyang shin tu bzang bar babs/ bdag rang gis nan gyis zhus kyang / bla ma'i slob ma slob mar min gsungs nas zhal gyis ma bzhed pa'i tshe/ rje btsun rdo rje 'chang gis bka' lung nan gyis gnang / bla ma'i slob ma slob mar min/ /zer ba'ang bdog ste/ bla ma mnyes byed gang yin bya'ang zer ba mi bdog lags sam cis kyang gnang mdzod gsung ba la/ gnas gsar ba mi min zer ba bden par 'dug /bla ma la thel 'bebs sogs sngar med kyi srol btsugs gsung sku rtsed dang bcas zhal gyis bzhes/ thog mar sgrom dkar gyi tshe khrid zla ba'i chu rgyun 'od zer drug bsgrag gi rjes gnang / chag lo'i lugs kyi tshe dpag med dkar po/ dbyangs can ma dkar mo ste dkar lha gsum gyi sgo phye nas zhag drug gi ring la byin rlabs rjes gnang nyi shu rtsa drug lung mang po dang bcas pa thob/ de'i skabs 'phros shig la khyod tsho nga la chos zhus na zer brtag pa