[A:95]byas pa e yin gsung ba la/ nged rang yab sras ma gtogs su la'ang rgyus ni med ci yin snyam 'jigs zhum pa zhig byung / nged rang tsho gang byed kyang brtag pa zhus nas byed pa'i dkyus shig gda' bas brtag pa zhus lags zhus pas/ bzang po byung ngam gsung / shin tu bzang gi gda' zhus pas bzhad cig mdzad de/ nged kyi rmi lam du nga rang gi pha yin snyam pa zhig nas gnas gsar pa'i chos rje 'di khyed la chos zhu zer brtag pa byed kyi 'dug chug pa byed dam/ mi chug pa byed gsung gi 'dug pa la bstan pa la phan na ni chug pa mdzod/ mi phan na ni mi chug pa mdzod zhus te bstan pa la phan pa yin nam chug 'dug pa gsung bas dga' ba dang bred pa lhan cig pa byung / rdo rje 'chang la bzhugs pa rnams/ zhabs drung nyid du gang thob thob gyis/ der mi bzhugs pa'i sa stongs ngas 'gengs pa yin mod gsung nas/ grol khar dpal mgon dkar po tshe 'phel gyi tshe dbang thun mong min pa de legs par gnang / yos lo bsnyen rdzogs kyi las slob la gdan drang pa'i dus/ gur gyi mgon po'i dbang lnga po rdul tshon gyi dkyil 'khor du zhus shing / khyad par srung 'khor brag rdzong ma snyan brgyud thun mong min pa'i khrid nyams khrid yid ches par zhus/ bdag gi shes rab dang 'dun pa la mnyes pa'i gsung yang byon/ 'brug lo bdag gi bla ma rdo rje 'chang de'i sku gdung rin po che mjal ba la phebs byung skabs/ da nga