[A:98]mang du thos/ /sa skya'i bstan 'dzin mchog de'i sku drin gyis/ /sa skya'i bstan pa nyin mor byed la dbang / /de nas zla phyed kyi bar gtang rag tu gtor sgrub bzabs thag chod pa zhig byas rjes rje bla mas phyag bris su mdzad pa'i mgon po lha bcu gnyis ma'i dam tshig bris sku zhig yod pa de la thun mong ma yin pa rab gnas zhag bdun ma byas pas mar me khor yug tu 'dzin pa sogs ye shes pa dngos su zhugs pa'i ltas du ma zhig byung ngo / /lo nyer gnyis pa'i sbrul lo zla ba gnyis pa'i nyer dgu nas bde gsal mgon khang du mtshams bsdam mal 'og gsang rdzas dang / gtor ma gsum man ngag bzhin bshams/ nang khrid kyi bsnyen pa zla ba bdun gyi bar du man ngag bzhin bgyis pa'i tshe/ shA sa na 'bum phrag gnyis tsam song ba'i tshe/ gegs kyi rnam pas smyo la khad chen byung ba na bdag gi bla ma rdo rje 'chang tshar pa'i zhabs de gdan ma drangs par 'dar nas bo dong rdzong du glo bur du byon byung nas mjal ba'i tshe/ zhal ras byu ru ltar dmar zhing gzhon sha chags la zhal rgyan sogs ye med pa'i rnam pa can zhig tu 'dug nas/ dgod gro sngar phan ni zhal rgyan ye gzhor gyi mi 'dug /da lam gang yin nam bsam pa tsam byung / mjam ma thag sems la dga' spro dang mos gus chen po skyes/ gegs de la gegs sel tsam yang zhu ma dgos par de nub nas rang grol du song / sems bde thag chod