[A:361]dben gnas su phyogs mtshams steng 'og thams cad khyab par lha rdzas gser btso ma lta bu sha stag gi gnam rgyan dang khor yug tu lda ldi bres/ 'bru bzang pos gang ba'i snod stegs bur 'os pa la/ mchod khebs gser gyi mdog can bkab pa'i steng du snga gong nas kyi gnod sbyin 'khor lo na bza' dang sku chings sogs kyi bca' gzhi legs par bsgrigs pa/ mchod gtor bzang po dang nor bu'i gzhong pa/ sa le sbram dang / sil ma'i gser gyi thum bu/ dngul gyi pha gu la sogs rin po che sna tshogs kyis phyur bur gang ba/ byu ru dang spur len gyi do shal/ mu tig gi chun po 'phyang zhing bres pas brgyan/ ja gos dar mang po brtsegs/ dkar gsum mngar gsum gyi zas sna bzang po/ sman sna tshogs dang bcas pas rgyas par bkang ste sgrub zhag bdun sku mtshams kyi bcad rgya dam po la bzhugs pa'i ngang nas gnang ba grol 'phral/ gza' tshes bzang po dang sbyar rten chen gyi rus shing btsugs/ drung gnas sprul sku bas zhal bkod mdzad/ dpon phun tshogs pha bus shing khrigs rnams byas/dpon chos rgyal sogs bal po gsum gyis gser zangs kyi khrigs kha gzer sdoms byas/ dpon slob nas 'di ltar gyis shig pa'i gsung kho na ltar/ nged dge slong dang dge tshul kha shas kyis nang gzhug gi rim pa rnams 'phyug med du bzabs te/ bzo las pa drag zhan brgyad tsam gyis nyin mtshan du 'bad kyang / 'ol ci tsam gyis ma chog pas/ zhag bcu skor la khrigs kha legs par zin pa tsam byung bas/ snga sor gyi dus thog tu song bar dgongs/