[A:369]phebs pa ltar bgyis so/ /dpung phan tshun 'gyes gdong zhu don grub pa'i yar bkur gtsang gsum sogs che phra'i mi snas snyug la'i sa 'byed kyi dus/ dpon slob nas bka' khyab ltar/ ri gong du mchod gtor dang dkar me rgyun mi 'chad pa'i cha rkyen bogs yong chod/ de nas lhun rab g.yul rgyal gnyis su phebs pa nas gzhis ka gong dkar du spyan 'dren zhus dus zhabs drung mi'i dbang po dang mnyam phyag bzhugs gdan mtho dma' mnyam pas mjal kha gzhis len dang bdag mo don yod rgyal mo la tshe rta phyag drug pa'i gtor dbang sogs gnang / yar rgyab nam mkha' mdzod nas gdan 'dren zhus 'dug rung ma phebs par bkra shis chos sder shar phebs gnang / snyug la nas spyan drangs pa'i tshogs bdag gi sku brnyan byin rlabs can dang / gzungs par la bdag gis snyan bskul dang gsol dpon byang chub rgya mtshos do dam byas/ rje mkhan chen rin po ches bka' tho gnang bas bkra shis chos sder rten bzhengs rim can la dmigs/ yar rgyab zhabs drung khu dbon nas thugs dad kyi longs par phul ba yang spyan drangs chos sder 'byor/ tshogs bdag rdzong du bzhugs de nas rtses dang gso sbyong gling du dpon sa chos mdzad drung la tshe rta/ rnam 'joms byabs khrus/ phyag drug pa'i gtor dbang rnams gnang bar phebs bzhugs zhag bdun mdzad de phebs lam dol sngon rdzong du yang chibs shol dkar spro sogs zhus/ slar chos sder phebs bzhugs