[A:371]yar klungs brel kha nas brgya dang lnga bcu nas rkyang gtsang 'gril du yod pa sprel lo'i ston steng nas rtsis phul/ gtsang khang gi dkar me thebs kyang sngar nas phye zin pa la nyin mtshan thub pa'i kong bu re 'gengs pa la mar srang mchod yon thun mong du nang re bzhin srang 'degs su byas pa dang / rdzong nas zhal zas rgyu lcags gzar/ mgon khang du gtor bsngo bskang gso'i yo byad cha tshang re 'chag med/ de dus gra tshang byings so so yang bkra shis chos sde rang du bcar bzhugs kyi 'go dod pa nas dpal 'bar ba rnams ma gir phogs len pa'i stabs nas bsam sdings su bzhugs rtag ngos slob dpon yang khu spe kun spangs pas mdzad/ skabs sbyar rnams la chos sde ma rang la bsnyeg /bkra shis chos sde rang du mang ja yang nyin re bzhin rgyun mi 'chad pa/ snga dro 'du khang steng sogs gang bab tu gtor ma brgya rtsa gdan gung tshigs dang / dgongs mo'i chos spyod kyi tshogs rnams 'du khang gung du mdzad/ dgongs mo chos spyod 'tshog pa la gaNDi brdung ba rnams sgrigs la 'jug pa gnang / de skabs klu khang rtser bzhugs pa'i sku mdun na bdag gcig pu yod pa'i skabs shig /bka' lung du gnas gsar nas sde pa chos rje 'di la khrigs kyang yod sngon rje tshar chen yang nA leNDar bdag chen ngag pa'i sku tshab la bzhugs nas 'gro don byung ba yin gsung ba phebs pa la phyis nges pa bsnyed do/ /de dag dang khad nye'i skabs shig tu gdan sa chen po dpal ldan sa skya'i khri thog na bzhugs pa bdag chen chos kyi rgyal po bsod nams dbang po'i zhabs drung nas mchod dpon dkon khang rab 'byams pa ched du mngags pa'i bka' shog