[A:262]chos pa rang zhig yong ba yod pas/ 'di la btsun pa mgyogs po tshol/ zhes yang yang gsung zhing thar pa'i lam du dbugs 'byin par mdzad do/ /gnyis pa rgyal ba'i bstan pa la rjes su mthun par zhugs pa'i gtam du bya ba ni/ dgung lo bdun gyi steng du phebs pa'i tshe/ sngar bkas bskul ba bzhin/ rje 'phrin las pa'i drung du skyabs gsum 'dzin pa'i dge bsnyen nod pa'i mtshan gzhon nu blo gros zhes pa gsol bar mdzad/ smin pa gsum shas che ba'i spyod tshul rang shugs kyi dag cing dge bas skyabs 'gro'i bslab bya blang dor la gnas pa'i ngang nas klog yig gi slob dpon mkhas pa bsten nas sbyangs dar mdzad pas/ ljags klog kyang dag cing snyan la chod che ba dang / phyag bris kyang 'bru legs shing klog bde ba zhig go /de nas dgung lo bcu gsum bzhes skabs/ yab yum dang nang so rnam pas gdan drangs te/ rtser tshogs khrod du mkhan chen nam mkha' bkra shis kyi drung du bar ma rab byung gi bslab pa bzhed te bsrung sdom dag pa'i phul du phyin pa ni phyogs re tsam gyis mtshon na/ sku na phra dus de nas bzung ste sku ji srid 'tsho ba'i mthar thug gi bar du/ myos byed kyi dri tsam yang mi bsten/ gsan sbyong gi dus na yang zhal ji ltar skyems kyang sing po tsam yang mi bzhes/ de bzhin du phyi dro'i kha zas dang / na bza' yang phu thung sogs sbu gu can gyi rigs mi 'chang / sku 'khris su dge slong dge tshul yod pa rnams la yang bslab bya phra rags 'di rnams la nan tan du mdzad pas rab tu byung ba'i bstan pa'i mig rgyan bzang por gyur to/ /lo de nang du dpal ldan sa skya pa'i zab chos mtha' dag gi gsang mdzod/ bstan pa'i srog