[A:385]zhugs kyi mdangs la 'bul 'phro rang la thugs dran thim nas gsung ma byung bas sde pas gsung chen bton nas bla rdol du gsol ba btab pas/ re zhig sad pa lta bur spyan ce re gzigs nas de 'dra mdzad pa ma legs da lta mdun gyi steng 'dir rin po che tshar pa phebs/ rim pas 'khris kyi ka ba 'di'i mgo tsam du phebs dus rdo rje 'chang sku mdog sngo skya khru gang ba cig tu gyur pa'i tshe dran snang thim pa cig byung de dus rang 'gros la btang na legs pa la/ da zla ba 'di'i nyi shu lnga tshun nad 'di kha myong dgos par 'dug gsung bas slar yang bkur sti zhabs tog legs par phul/ sde ba dang zhabs phyi na yod pa rnams la bka' phebs su nga'i dpe cha rnams ma 'khyar ba gyis/ khyad par du mgon po'i chos skor gyi glegs bam rnams cha tshang du bzhugs pa tsam la chos skyong 'go /gsung gi rten yin pas da lta nas nga'i thel rtses gnon la gya tshoms su kha ma 'byed/ da lam khams 'tsho dka' bas/ nga'i phung po la rtog dpyod zhib mo gyis la mtshan ltas rnams myong ba med na mi shes pas 'di lta bu 'byung zhes zhib par stsal nas ma byung bar du sgul skyod ma byed/ rtags byung 'phral 'di ltar gyis zhes/ pur chas 'jug dang gdung chog 'bul lugs rnams slob pa gnang / cho ga zin 'phral sbyin bsreg byas pa'i rus pa rnams ma god par sAtstsha legs par btab ste g.ya' ri mtho zhing gtsang ba zhig tu spyan drangs/ gal por re zhig phung po yod pa la mos na lo gcig nas sngar bzhin gyis gsung ba nan tan du mdzad/ zhag bcu