[A:391]mkhan chen rdo rje 'chang gi phyag nas bzhugs pa'i sman sku gcig la 'phel gdung byon pa 'brug dpon bsod nams mtshan can gyi phyag na yod 'dug go /de ltar yid ches kyi dad pa bla ma yi dam mkha' 'gro chos skyong rnams la gsol ba 'debs pa la brtson pa dang / gsung gi bslab bya rnams dang mi 'gal bar chos bzhin spyod na srid zhi'i phun tshogs thams cad 'byor zhing rgyas par the tshom med do/ /kun khyab phyogs kyi 'khor yug 'gengs pa skad gsang mthon po'i dbyangs snyan 'di ni rdzogs ldan sprin gyi 'brug sgra ma yin dam pa'i yon tan phyogs brgyar sgrog pa rna ba'i dpal mor sim pa sbyin byed blo gsal mgrin pa'i nga ro yin/ /rnam bkra mig gi bdud rtsir byed pa kai la sha yis 'dzin ngos kyi dbyar dus dbang po'i gzhu ris ma yin rnam dkar dus gsum dge ba'i gtam snyan legs bshad tshig gis sngon byon gsal byed glegs bur bkod pa'i 'du byed yin/ /zur m-ig lhung bas kun dga'i spu long snying la sim byed lang tshos dregs pa 'chi med bu mo'i 'jo sgeg ma yin lan gcig mthong bas mchog gi yul la ngo mtshar dwangs pa'i dad pa skyed byed drang srong brjod pa'i legs bshad yin/ /mdzes ldan dga' ma'i glu dbyangs kyis bskul bzhin bzang mdza' bo'i rgyud mangs dang 'grogs na chung rtse dga'i longs spyod ma yin dam pa'i gsung gis yang yang bskul bas dad ldan snying gi skyo ba sangs byed ngo mtshar rna ba'i bdud rtsi yin/ /brgyud ldan gsung gi bdud