[A:274]nags khrod du phebs/ grub chen rin po che dpal ldan blo gros la tshogs kyi 'khor lo bzang po bshams te/ thog mar ye shes mkha' 'gro ni gu ma'i lugs kyi rgyud sde lnga gtso bsdus kyi dkyil 'khor chen por dbang bskur dang / bcom ldan 'das bde mchog lha lnga'i dkyil 'khor du dbang rdzogs pa dang / zab lam ni gu chos drug gi nyams 'khrid dang 'brel bar byin rlabs kyi bka' bcu dang bcas pa phyag rgya chen po ga'u ma'i nyams khrid dang 'brel bar phyag chen bka' lnga/ gzhan yang mkha' spyod bka' lnga / mgon po bka' lnga ste gzhung bka' nyer lnga'i smin grol cha 'grig /lam khyer rnams gsum bka' dang bcas pa sems 'chi med bka' dang bcas pa gsan/ phyag drug pa'i gtor sgrub dang bskang gso'i phyag len dang man ngag la dris gtugs dang zhal gdam la zin bris mdzad/ zla ba bzhi tsam song skabs rtses dang nas chen po lung rig rgya mtsho shangs chos gsan par phebs pa'i tshe/ grub chen des snod brtags nas rjes su 'dzin pa las/ 'phral du mi'i ngo mi bsrung bas/ re zhig gsung chos mi yong ba'i bka' phebs pa la/ tshogs 'khor gyi yo byad rnams 'od pho brang du spus bsgyur mdzad nas bsgrubs/ chos rje rin po che 'di pas ngo chen mdzad/ nan gyis zhus pas 'o na mi drag pa thag ring nas gtad yongs pas chos drug dang phyag chen tsam byed dgos pa yin yong gsung / slar rgyud sde lnga'i dbang mo che/ bde mchog lha lnga'i dbang / chos drug dang phyag chen so so'i bka' dang bcas pa rdzogs par zla ba gnyis kyis bar du gsan/ dbang gnang ba'i tshe ku sA li'i phyag len/ dbang rdzas rnams re res slob ma du yod la rim par brims pa'i mthar/ slob ma'i gtso bo gcig la 'dzin du 'jug pa'i