[A:276]gyi 'char sgo grangs med pa byung ba rnams/ rtogs pa'i 'od gsal du 'dren nas je gsal du gyur to/ /slar yang sa mo lug gi lo la kun mkhyen gung ru'i gdan sa chu shur dgon gsar du chos rje stong ra ba phebs nas gsung ngag lam 'bras dang bka' gdams lha bzhi'i khrid rjes gnang mang po mdzad pa gsan bzhes la phebs te zla ba bzhi tsam bzhugs nas slar phyir phebs gdong / 'od dpag med la brten pa'i bla ma'i rnal 'byor zhig gsan/ bla ma de'i gsung las/ da ni mi ring bar sku nye yon mchod rnams la nang 'khon gyi rtags dang / chag sgo chen po 'dug pas nyid kyi sku rim la chos skyong gi bskang gso 'ur chil bas gnang na bar chad rnams gzhan la 'gyur 'gro/ tshogs kyi mkhan thog tu gdan 'dren nges par yong bas de la thegs pa bzang gsung / lung bstan gyi tshul gnang ba rnams phyag len la thebs par mdzad/ lung bstan rnams kyang thog tu phebs/ rten 'byung du tshe dpag med lha dgu'i dkyil thang byin brlabs can zhig gnang / de nas phyir phebs te yol bla brang du rin po che dpon po bar khur bzhes rnams sprad/ 'di nas ri gong mgron khang rtser sku mtshams dam po la zla shas bzhugs pa gnang / dgun dus kyi sgrub mchod tshogs dbu la rin cen gling du spyan 'dren byung rung mi phebs pa'i dgongs pa gtad mtshams/ nub gcig mnal lam du gzhi bdag jo gdan gos bzang po ston pa'i rnam par byas te/ gsol ja ltir rgyugs dang bcas da lo phebs pa rang bzang bas phebs dgos zer bas/ slar phebs par zhal gyis