[A:278]bzhi pa gtso 'khor/ phyag drug pa rnams kyi rtag gtor sogs gtor ma gsum la brten pa'i sgrub skor gyi bca' gzhi 'dzugs par gsol bas/ rje tshar chen nas zhal bkod gnang ba ltar/ yol du dpon slob rang gi phyag len la btab ste/ gtor rgyu gtsang zhing gya noms pa la bsre rgyu'i sman lnga dang / bzang drug sogs las dang rjes su mthun pa'i bzang sman bongs che ba zhib tu btags pa dang / gtor gzungs rgyas par bri bzhengs mdzad pa'i 'ching skud kyi na bza' lcags sbubs sogs kyi bcas dang / lo gtor dang rgyun gtor sogs kyi stegs bu bang rim gyis mdzes pa/ rtag gtor bzhugs pa'i khang sgrom steng phyur bu sgo glegs so so dang bcas pa'i shing bzo/ ri mo tshon rtsi sogs grub mtshams/ rje tshar pa snyug la nas spyan 'dren gnang 'phral phebs te gtor gzhi rgyas par 'dzugs par gnang ba'i rgyan bkod phun sum tshogs pa phyi rol tu dar zab kyi phang phung / stag gzig gi pags pa go khrab sogs phyi nang gi mchod pa spyan gzigs lta bas mi ngoms shing / brjid chags pa 'jigs shing brngams pa bshams nas dpon slob tshogs kyi 'du ba bzang po chabs cig pas thun mong ma yin pa'i gtor sgrub zhag mang du sbrel te bsgrubs nas bskang gso rgyas pa gnang / bla ma dam pa dpon slob tshogs kyi 'khor lo dang bsnyen bkur 'bul nod bzang pos mnyes par mdzad nas/ phu na yar ri gong mgon khang gi myur mdzad mgon po'i sku 'dra yid bzhin nor bu la gser shog gi rgyan sbreng sogs dang / sku'i nye 'khris rnams su bzhugs khang gi bkur sti dang bcas pa snga gong nas phul na bsam pa/