[A:287]pa las gsungs pa'i rdo rje'i tshig rnams mtha' drug tshul bzhi'i sgo nas gtan la phab pa'i don gyi nyams len rgyas par phye phyi rten dang dkyil 'khor la brten nas bsgrub pa/ nang rtsa gsum 'khor lo lnga la brten nas bsgrub pa/ gsang ba yang gsang sems nyid kyi gnad la brten nas bsgrub pa rnams las phyi sgrub kyi phyogs thams cad la thun mong du dgos pa'i sku gsung thugs kyi rten bris 'bur bzheng pa'i man ngag /phyi rten gzungs gso gzungs 'dzugs/ bran sdud gshin rje nag po'i thugs sgrub la brten nas thugs 'dzugs pa dang gso ba'i phyag len/ nang dang gsang ba'i rten bca' ba'i man ngag /dngos gzhi phyi sgrub chen mo bdag chen rdo rje 'chang chen pos phyag len gnang ba'i shoms kyi bca' gzhi ma nyams pa da lta mthong lcags kyi mgon khang na bzhugs pa la gzigs na ji lta ba bzhin du yod pas yid ches par yong gsung ba'i khungs ston pa gnang / zhal khrid kyi phyag len du ma'i zhib gsed 'thems par mdzad/ de dag gi spyi khyab nyams len gyi bca' gzhir nyer mkho yin yang / gnas skabs su zur bkol lta bu'i tshul du bstan pa sgrub bde zhing khyab che ba gtor sgrub dang / dmar chen gtor bzlog /bzlog mdos/ de dag gi skabs kyi bgegs sel bogs 'don/ gtor bskang mdos bskang rnams la 'byin 'jug rgyas 'bring bsdus gsum gyi mdor len thabs mang dka' ba med pa'i tshul gyis phyag len thams cad gtan la phab/ bram ze mchog sred nas/ rga a nyan dam pa'i bar