[A:289]bzhi 'dus pa'i gur pod rnams kyi lung phog /snod min la gsang zhing snod ldan la spel ba'i bka' bsgo dam bzhag dang bcas pa gnang bas gdams ngag gi sar ga ma log /dus de nyid snga phyir bla ma dam pa la bsnyen bkur 'bul nod rang re'i phyag na ci yod kyis zol med du mnyes par mdzad pa sogs/ rang rkyen dang gzhan rkyen la ltos pa'i snyan brgyud bzhi'i rten 'brel 'grig go /dpal ldan lha mo 'jigs byed dud pa'i sol ba can gyi chos skor rngog bsod nams bstan 'dzin las brgyud pa yang gsan/ de nas skabs shig bla ma dpon slob thams cad mang mkhar rmu gshongs dge ba'i tshal du phebs/ de'i gzims khang na chos skyong 'khor bcas kyi rtag gtor bzhugs pa'i rtsig rmang grums nas rtag gtor gshegs gsol dgos byung bas/ dpon slob thams cad kyis bskang gso gtor sgrub rgyas par gnang ste gshegs pa'i nyin bar sprin nag chen po mun pa'i mdog lta bu 'khrigs/ 'brug sgra chen po sgrog bzhin pas khad nye ba'i ri la gnam lcags me dpung dang bcas pa lhung ba'i cho 'phrul 'jigs rung byung na'ang bla ma dam pa mkha' khyab kyi ting nge 'dzin la bzhugs pas suu la'ang gnod pa ma byung / de nas mi ring bar bla ma gzims khang gi zhig gso gnang ring/ yol nas dpon slob kyi bla chen 'brog mi'i dben gnas mu gu lung gi gzims phug rnams mjal bar phebs/ gnas 'brel zhag 'ga' zung mdzad nas phyir phebs pa na/ rje tshar chen gyis bka' gnang ste/ grang mo che'i gnas gtsang gi gzims spyil du dpal gur gyi