[A:304]rgyang tsam bzhugs/ sos ka cig gra tshang dang bcas dpon slob zhe mthun nyi shu rtsa grangs rwa bsgreng skor du phebs pa'i lam zhor ge re lha khang nas bzung / skyid 'phen phyogs kyi mchod mjal/ snye thang 'or du jo bo a ti sha'i thugs dam rten dang sku 'bum/ stong lung ra chag gi rdo rje rnal 'byor ma/ nA landra'i kun mkhyen rong po'i dngul gdung sogs rten gsum gzims khang gong 'og gi mgon khang sogs mchod mjal zhib pa/ 'phan yul dpal ldan rtser sngon bdag chen rdo rje 'chang gis bzhengs pa'i mgon khang chos skyong gi lung bstan brnyes pa'i gnas rnams su mjal kha dang thugs dam mdzad/ dpal ldan rtser phebs dus sde pa mkhar rtse bas ngo mkhyen te/ nang so zhal ngo myur stabs su phebs nas/ gur mgon lcam dral gyi rjes gnang zhus/ zhabs tog 'bul nod mdzad/ de nas stag lung thang gi mchod mjal rags pa rnams zin nas/ rwa bsgreng la phebs lam du mi ngan mang po chas pa dang thug bla ma dpon slob bzang por 'dug zer su la'ang gnod pa ma byas/ rwa bsgreng du phebs nas jo bo 'jam pa'i rdo rje dang / dpal ldan a ti sha'i zhal thang dbu yon ma zhal gzigs 'phral thugs dad kyi shugs lhag par 'khrungs/ slar phyir phebs lam skyid shod gzhung la ston/ gnas mjal dang yul gzigs mang po mdzad/ de nas gung thang yer pa lha sa rnams su mjal kha smon lam gnang / slar yol du phebs de'i lo zla ba bdun pa'i bco lnga mchod pa la yang dgon du rje tshar chen gyi zhal thang phyag nas bzhugs pa zhig gtso bor bkram pa'i rten bris 'bur bkod legs par bzhugs pa'i mdun du/ nyer mchod lnga'i phreng ba brgya phrag du ma bshams/ bla ma