[A:307]'jug pa zhi/ mtha' gcig tu lhung ba'i lam la chags pa'i gol sa bcad/ gzhi lam 'bras bu'i chos thams cad zung 'jug tu shar bas blo 'das rtogs pa don gyi phyag rgya chen po'am/ byang chub chen po'i lam du son par nges so/ /gsum pa/ rang nyid kyi thugs nyams su myong ba'i lam bzang snod ldan la gsal bar mdzad pa las phye ste bsnyad na/ de lta bu'i bsgrub pa dben gnas gcig po der/ sku tshe dang mnyam par skyong ba kho na la dgongs pa bzhed na yang / dus la babs pa'i gzhan don gyi thugs rjes bskul te/ chos zhu ba mang / yar 'brog stag lung gi thar gling chos sde nas sngags ram pa byon te/ gur mgon gyi chos skor zhu ba dang / stod lung pa rar rje tshar chen gyis 'dzugs pa gnang ba'i dgon par gdan sa la phebs dgos pa'i nang so sgo rum pa mchod yon gyi spyan 'dren/ 'bras spungs nas sprul sku bsod nams rgya mtshos gsang sngags kyi chos tshul mtha' yas pa gsan bzhed kyi zhu ba dang / 'dar grang mo cher rje bla ma'i gdan sa ngo bo la phebs dgos pa'i zhu ba sogs phyogs du ma nas byung rung / par phu dang / 'dar gyi gdan sa la phebs bzhed tsam yod pa/ snyug la na dpon slob kyis bshol btab/ sprul sku bsod nams rgya mtsho la sa lugs kyi chos phul na/ 'phral gtam don che rung phugs sel du 'gro ba 'dug pas ma stsal rung / phan tshun dag snang che zhing / zang zing gi 'brel pa zab/ sngags ram pa la mgon po'i chos skor 'dod sbyar tsam gnang ba'i ngang nas/ slar yang sku mtshams la bzhugs rtsis/ sne sdong rtser sde pa mgon po