[A:309]kyi tshogs skal gtong ba'i srol gsar btsugs dang / rtsa gra de nyid du so thar rigs bdun gyi sdom pa 'bogs chog /gzhi gsum gyi phyag len rnams la dag sbyor/ tshogs 'don sgrigs ma rnams la bzhugs khri'i khar phebs pa'i thugs rtsol che ba dgongs mo'i chos spyod grol nas gzims chung du phebs 'phral/ thugs dam lam dus gtor bsngo rgyas pa dang bcas pa/ mgon po che chung gi srung 'khor bdag bskyed gsang 'khrid dang bcas pa/ nA ro mkha' spyod kyi bskyed rdzogs dang / sgrol dkar gyi thugs dam sogs rgyun gyi 'chag med mang po dang / yang dgon gra tshang nas phyag phyir khrod phebs pa'i dge slong 'ga' shas re dang / tshogs khrod nas gsung bzang ba rnams la mgon dbyangs gsar gcod slob pa gnang ba dang bcas pa phyag phyir dkrigs pa'i zla ba re re bzhin dus gtor gyi bskang gso rgyas pa 'chag med dang / bco lnga mchod pa'i mchod shams gzabs pa rje tshar chen gyi sku bstod brgya tshar dang bcas pa lo star gyi dus rim thugs dam gtor bzlog star chags kyang / rin cen gling rtag gtor sku mdun nam/ yang dgon gzims spyil/ bde yangs ka bzhi gang bab tu mi 'chag par mdzad/ mkhan thog tu phebs nas de dang nye ba'i lo phyi ma zhig gi nang du skyor mo lung nas dpon sa gdung brgyud rin po che dgung lo bco lnga bzhes pa gcig sne sdong rtse'i khri thog tu phebs pa la/ dbus srid nang gcig pa'i sde dpon so so'i zhal ngo rnams las tshan la phebs pa'i skya hrags che ba bsgrigs/ khri phebs kyi dus sde dbon so so'i thab