[A:314]phul te dga' ston mdzad la grol nas phebs rjes ston ser kha yang dgon du sku mtshams shig la bzhugs/ phyag phyi ba 'ga' zung la gsung 'di bzhin gnang / na mo gu ra we/ rje dus gsum sangs rgyas kyi ngo bo nyid/ /bka' drin mnyam med kyi rin po che/ /pha blo gsal rgya mtsho'i zhabs la 'dud/ /bdag brtse ba'i thugs rjes bskyang du gsol/ /khyed dad ldan mched grogs kyis bskul ba'i ngor/ /sprang po nga'i thog mtha' bar gsum gyi/ /rtogs brjod sems la shar ba 'di/ /khyed mched grogs rnams la zhu bas na/ /snyan lan cig bdag la gsan par 'tshal/ /nga sngon chad dge ba'i 'phen shugs ni/ /cung zad yod pa'i rten 'brel gyis/ /rten dal 'byor rdo rje'i lus mchog thob/ /sangs rgyas kyi bstan pa dar dang mjal/ /gzhon dus nas dam pa'i chos sgor zhugs/ /rje mtshan ldan gyi bla mas rjes suu bzung / /chos rdo rje theg pa'i yang snying thob/ /gnas ri khrod dben pa'i bas mtha' bsten/ /lam rim pa gnyis kyi rnal 'byor la/ /'bad rtsol gyi nyams len en re byas/ /pha rje btsun bla ma'i byin rlabs kyis/ /nyams ban bun gyi snang ba cung zad shar/ /de sngon chad byung ba'i gleng gzhi yin/ /dus ding sang gi gnas tshul bshad pa na/ /khong bdud rigs kyi gtso bo 'dod pa'i lha/ /lag na me tog gi mda' gzhu thogs/ /de chos mdzad rnams la 'phangs pa yis/ /lus rma med snying gi dkyil du phog /dug lnga glo bur du langs zhes thos/ /de kho bo'i snying la'ang thebs sam snyam/ /rang tshod rang gis ma zin par/ /khong gzhan zer gyi ngag la nyan nyan