[A:328]bas zhal bdag thugs rjes 'dzin pa gnang dgos zhus pas/ rjes sor khong rnams la thugs brtser dgongs pa'i zhal 'dzin gnang / bsam sdings su rtse zhabs drung nas dga' ston dang bcas te spyan drangs/ g.ya' nang du sde pa rin po che dngos grub rdo rjes dga' ston chen po/ sgar chen gyi bsko 'ja' dang bcas te gdan drangs/ dgon yas mas kyi 'u lag khral rigs 'khri 'bab rnams bcag /mchod gzhis gang yod dang bcas pa phul/ dgon pa gnyis kyi gra rgyun gsar 'dzugs rnams kyang 'dzoms pa dang dpon blon bka' bgros thog nas/ sde pa rin po ches phyag len mdzad de/ gser 'phyos gnyis kyi cha zhabs nas tho btsun dang bcas/ sum cu lhag tsam la gza' skar bzang po dang bstun bsgrub bya so sor skyabs 'gro'i dge bsnyen gyi sdom pa phog /klog dang dpe cha 'phral 'don gyi kha ton mang po'i slob dpon du dge slong gnyug mar gnas pa shAkya mchog ldan bskos/ khong thugs bskyed bzang bas bslab sbyang gi dus nan tan che zhing 'jur dam pa/ sna mi bsun pa'i gung gseng skabs su bab cing yun ring thung mtsham pa/ 'phral gyi rogs mgo 'don phra mo rnams kyang thugs rtsol che zhing mod snyoms pa/ slob dpon rang tshogs la bzhugs rtag cing ljags spod rkang tshugs pas/ 'dzin cha rnams blo la 'jags shing lobs che bas lo gnyis tsam nas chos spyod 'dzom zhing klog byang bar byung / de dus gra tshang gsar pa dang bcas pa'i dpon slob thams cad dpal 'bar bsam sdings na bzhugs pa gnang / chos sde'i ar chen ma grub ring bzhugs yul nye 'gyang 'tsham zhing khul