[A:331]la sde pa rin po che nas thugs yid tshim pa'i bka' lung brjod legs pa mang po'i mthar/ dgyes spro'i mgur glu dgos gsung ba/ sgra rig smra ba bya ba shes rab dpal bzang pas ras dbyangs mdzad/ sang rtse'i dkar phibs khang bzang der bzhugs gral gzhis len dga' ston 'bul nod bzang po gnang / tshogs chen nas dbu mdzad dka' bcu pa sogs kha shas phyir thegs/ bdag cag gzhis min byes min gyi gra pa nyung hrags zhig la/ mgon dbyangs sna kha drug cu tsam 'dug pa chod zhig pa'i bslab ston sngon rje tshar chen drung du dpon slob rang thegs dus kyi lo rgyus dang / dbyangs 'di gzugs med la gzugs 'chos pa'i dka' tshegs phran bu yong / sgra gzugs yid la ma shar bar ma yengs pa gyis gsungs/ nyin re bzhin sku bstod hrug tsam re mdzad/ dbyangs rnams nan chags su spod pa gnang / slob ma rnams kyis 'phral du bskyar 'bul dang / sang nyin sku mdun du tshogs 'phral rgyugs 'bul dgas gang thon bzhes/ klu khang gi sgo mang der lo gtor dang rgyun gtor bzhengs te/ dgongs mo thugs dam bskang gso tshar re khor mar btang / zla ba gnyis tsam na dbyangs song rjes/ brag rdzong ma'i khrid kha rgyas par phyogs pa tsam gnang ba'i nang dang gsang ba'i brag rdzong ma sgom pa'i skabs/ bdag la nyams snang phra mo shar ba snyan du phul bas/ 'od gsal gyi rtags sna zin tsam du 'dug gsung / drung ram pa blo gros rab tu yangs pa la nyams 'phar lan du ma/ chos gral dang / thugs dam thun gyi sgang la