[A:348]las gral gnang / bsgrub bya tshan pa dang po la chos rje gro sa nas dpon slob dang / kong po zho kha chos sde pa gcig /de rjes bkra shis chos sde rang nas bsgrub bya gsum la bsnyen par rdzogs pa 'bogs chog gnang ba'i mkhan po/ don gyi slad du mtshan nas smos te rdo rje 'chang 'dul ba 'dzin pa'i dbang por sku bstan pa gzhon nu blo gros/ las kyi slob dpon kho bo dge slong spong ba pa byams pa blo gros rgyal mtshan dpal bzang po/ gsang ston yang de nyid kyis bgyis/ grogs dan pa slob dpon rab 'byams pa blo gros rab yangs/ dus bsgo brjod pa slob dpon dge slong shAkya mchog pas mdzad/ kha skong gi dge slong dang bcas pa'i dbus su bsgrub bya rnams dge slong gi dngos por grub par byas/ de nas bsgrub bya gsum mtshan gnyis dge tshul du bsgrubs/ de'i sang nyin bar ma rab byung mang po bsgrubs/ so sor thar pa'i sdom pa yongs su rdzogs pa'i sgo nas nyan thos kyi spyod pa bsrung bas/ bstan pa spyi'i mig rgyan bzang po dang / gsang sngags kyi lam sgom pa la yang rten mchog tu bshad pa bzhin/ 'dul ba'i phyag len dang / sdom khrims kyi rtsal 'don la bskul zhing sbyor ba'i bca' sgrigs rim can dang / so so nas dge slong dge tshul gyi bslab bya ston pa'i yig sna rgyas bsdus blos gang lcogs la rgyun du lta rtog byed dgos pa dang / yar ngo mar ngo gnyis kyi gso sbyong gi cho ga zhig kyang star chags gnang ba'i dgongs pa gtad/ de nas zhag bcu skor song 'tshams gro sa nas chos rje rin po che sku don gyi gtso bo rnams thugs kha tshims pa nas/ 'phral