[A:502]krung bkrol/ seng ge'i nyal stabs su bsgyur bas thugs dgyes/ da gsal thob cig gsungs/ gong ma gsum gyi 'da' ka ma slar yang gsal 'debs phul bas phal pa ltar na dar sog mgul gyi mgrin pa na tong tong ba tsam 'dug kyang nged kyi gsal 'debs thugs la 'bab mi 'bab la dbu gug gug pa dang dbu sgril ba gnang gin 'dug /de nas tshangs phug cung mtho ba tsam dang / dbu zil pa khrom pa tsam 'dug pas 'od gsal ma bu zhal mjal ba'i nyams len phul du phyin pas rten 'di la grub mtha' snyogs par gdon mi za/ nged dpon slob phan tshun chags na yang / /dus de tshe chags sdang 'ching thag chad/ /sems bde chen 'od gsal ngang nyid nas/ /lam so sor gyes kyang 'bral ma myong / /de'i tshe bdag cag gtso 'khor thams cad bde ba nas bde bar 'gro ba la mkhas pa su zhig sgyid lug byed ces dang / byams pas/ de yis chos kun sgyu ma lta bu dang / /skye ba skyed mos tshal 'gro ltar rtogs nas/ /'byor pa'i dus dang rgud pa'i dus na'ang 'di/ /nyon mongs sdug bsngal dag gis gnod pa med/ /ces pa ltar rje bla ma ni skyed mos tshal rnying pa nas gsar par 'pho ba ltar thugs dgyes pa chen pos zhing mchog dam par gshegs pa dang / 'khor rnams kyang lus sems la sdug bsngal gyi tsher ma med par sems spro sag ge ba dang / dga' sag ge ba'i ngang la dus 'da' ba byung / skyid gshongs dar chen pas rang re dpon slob kun 'dzoms nas 'pho tshul rang dbang thob pa 'di lta bu yong bsam pa ma byung / sngar bas kyang dad pa ches lhag pa thob/ da sdug bsngal byed rgyu spu tsam med do zer/ bka' drin mtshungs bral 'jam mgon bla ma rje/ /'od gsal ngang nas dkar