[A:522]pa yin no/ /khong sbyin bdag gnyis kyi bka' ma chogs/ /bdag g.yo zog med par dam bcas kyang / /rje tshar chen chos srung gnyan po yis/ /dam bcas pa'i ra ba brgal nas song / /rang lhag bsam gyi 'ja' ris drang na yang / /gzhan 'gyu mang gi rdul dmar tshub se ba/ /khong thugs 'char gyi gzhan rlung dri ngan yang / /rang lhag bsam gyi dri bzang 'khor bas brod/ /ci gzhan bsam 'khrul pa min yang sla/ /'khor chos skyong srung mas blo kha bsgyur/ /bdag rang gi re ba rdzogs nas song / /khyed bu slob rnams rang sems ma 'pham zhig slar gdan sa gsar bskos kyi tshe mkhan chen bzang po bkra shis kyis mkhan blo gros rnam rgyal gsar bskos kyi tshe sbyin bdag kha kha so so la sbyor sprod la phebs 'dug /bdag gis kyang 'jam mgon sangs rgyas rgyal mtshan la de bzhin phebs pa zhig dgos zhus kyang mi dgos gsung zhal gyis ma bzhes/ 'o na bdag mjal phrad la 'gro ba la thugs rgyus kyi steng nas rab 'byams pa 'di dang 'di rgyug gsung ba zhig dgos zhus kyang khyed rang gis mdzad pas yong gsung ma mdzad/ de nas nged rang gis rtse chen rab 'byams pa chos 'phel dang / byang pa rab 'byams pa nam mkha' sogs khrid nas phyin da lan yang chos rje gdan sa pas sbyin bdag rnams la sbyor sprod la 'gro dgos gsung byung ba la sngar ci rigs 'dug kyang grwa sa la phan na cis kyang phyin pas chog zhus/ gnas mnyan yod chos kyi skyed tshal nas/ /gzhan gdan sa 'phrod pa'i dga' spror bcas/ /bdag dpon slob rnams kyang lam du chas/ /khong lha mi dad pas skyel bsu byas/ /de nas nged rang gi rogs drung