[A:528]bzhin phul/ kye rdor dbang la kha 'byams mi rung bas phyag g.yog drag pa zhig dang bdun mdzad na zhus pas/ gzhan la mi yong mchod g.yog pas kha bskang bas chog gsung / mchod g.yog pa rab 'byams pa 'jam dbyangs smra ba'i rgya mtshos byas/ dpon sa yuu ma drung gis khyed rang gsol thab zur pa mdzad na legs gsung / sde srid sku bgres pas khyed rang dang thag nye gsol ja la thugs dad pas gsol ja rgyugs kyang chog gzhan la'ang gsol ja rgyug mi dgos gsung / dbang gi tshe sde srid drung gis dbrag 'di kha gsol ja rgyugs pas e chog gsung dgongs pa dang sbyor zhus/ de nas dbang bka' brgya tshar sogs yun ring pa rnams la sde srid gsol thab gsum dang rang re'i gsol ja re ste gsol ja bzhi tsam re yong gin 'dug /sngon tshe 'khor los sgyur ba'i rgyal po la/ /mtho ba'i khri bshams skye bo 'bum gyi dbus/ /rgya mtsho'i chu blangs rin chen bum pa bzhis/ /spyi bor dbang bskur bkra shis mnga' gsol bzhin/ /sa steng 'di na rgyal srid mang yod kyang / /chos lugs rigs byed smra ba khyod gcig pu/ /mkha' la 'od ldan grangs med 'khrigs na yang / /tsha zer 'byin pa rta bdun las gzhan ces zla bo dngos po'i rgyan bzod nas su/ /lhag bsam rab dkar sgra snyan rig byed kyi/ /cha shas yongs rdzogs rin spungs rgyal srid cher/ /bshes gnyen klu dbang gtsugs nas dbang bskur bas/ /chab srid rgya mtsho'i byings ltar 'phel gyur cig /de nas dbang bka' rnams rim pas grub/ rnam sras mdung dmar can gyi rjes gnang gi tshe ngag dbang nor bu bzang po'i gsung gis khyed bla ma rnams la yang gsung chos smar zong mang