[A:407]zin kyang / byang ba dkar se byung bas/ sgrub lung zer ba'i dben gnas shin tu byams chos lnga sbyong dar la mtshams byas/ sngar 'brog phrug gi tshe sha dmar po mang po mthong bas rkyen byas 'jigs skrag gi brgyal 'gro ba lta bu dang / brjod mi shes pa'i nyams snang sna tshogs 'char ba zhig yod pa la/ 'brog pa rnams kyi sha dmar po nang la khur yongs tsa na nged la sbed dgos pa zhig yod zer/ mtshams kyi skabs de nas gnyid kyi rmi lam na sngar gyi snang ba de 'dra shar ba la 'jigs pa'i snang ba med par bde cham 'gro ba dang / dag ma dag gi yul snang lta ba'i 'dun pas/ dga' ldan du byams mgon mjal ba la 'gro snyam tsa na steng phyogs la ling ling 'phur/ lte 'og nas rtsa'i sbubs nas rlung hu ru ru zhugs/ spyi gtsug tu sleb pa dang / rnam shes mthon 'gro ba snyam byed pa dang spyi gtsug tu rlung khyil li li cung zad 'khyil nas nyams sad yong ba de 'dra byung / de man rmi lam du nyams snang de 'dra rgyun chags la yong ba zhig byung / rmi lam nying 'khrul dag pa'i 'od gsal dang / dag dang ma dag yul snang lta ba sogs/ /sngon gyi las 'phro sad pa las byung ltar/ /rten 'brel sgyu ma'i rol rtsed ngo mtshar gnas/ /yang de lta bu'i skabs shig na/ grogs btsun chung drung skyabs zer ba zhig dang gnyes chos gling dgon pa'i ltag ri sgang zhig tu/ slob gnyer byed sa brag phug brus pas re zhig nas glegs bam chung ngu zhig thon byung bas/ grogs de na re/ 'di khyed kyi yin zer bas/ ngas kyang yin byas blangs nas bltas pas birWa pa dang gong ma lnga'i bstod pa par ma khra gsal le 'dug pas/ rje btsun gong ma'i byin rlabs 'jug pa'i rten 'brel gyi thog ma yin snyam sems dga' ba tshad med pa skyes so/ /rang byung brag phug